കാറ്റ് മന്ത്രിക്കുന്നു......
നീയെത്താനായി  കാത്തിരിക്കുന്നു
മൗനത്തിലൂടെ ചെല്ലുക
അത് പ്രണയമാവുന്നു
ഒരു ചെറുകാറ്റായ് പുണരുക
നിന്നിൽ സുഗന്ധം നിറയട്ടെ
അത് പ്രണയമാകുന്നു
മഴയൊഴിഞ്ഞ വേളയിൽ
മരം പെയ്ത് തുടങ്ങുമ്പോൾ
നീയെത്തുക
അത് പ്രണയമാകുന്നു
മഴയിലൂടെ ആകാശം
ഭൂമിയെ തൊടുന്നപോലെ
നീയെന്നെയും തൊടുക
അത് പ്രണയമാകുന്നു
മഴ നിറഞ്ഞ പാതയിൽ
മനമെറിഞ്ഞു കാതോർക്കു
എന്റെ പ്രണയം
നിന്നരികിലുണ്ട്
കാറ്റു മന്ത്രിക്കുന്നു......