ഒരു ചിരിയിൽ നീയെന്നിലേക്കും
ഞാൻ നിന്നിലേക്കും
പെയ്തിറങ്ങുമെങ്കിൽ
ആ ചിരിമഴക്കായ്................
ഒരാലിംഗനത്തിൽ
ഞാൻ നിന്നിലേക്കും
നീയെന്നിലേക്കും
അലിഞ്ഞില്ലാതാകുമെങ്കിൽ
ആ ഒരു നിമിഷത്തിലേക്കായ് ..........
ഒരു ചുംബനതീയ്യിൽ
ഞാൻ നിന്നിലും
നീയെന്നിലും
എരിഞ്ഞുണരുമെങ്കിൽ
ആ ചുംബനതീയിലേക്കായ്.......
 നീയെന്ന പ്രണയത്തിലേക്ക്
ഞാൻ ആ വാഹിക്കപെടുംമ്പോൾ
നീയൊരു ഒറ്റമരമായെങ്കിൽ
ഒരു പേമാരിയായി
ഞാൻ നിന്നിലേക്ക്‌
പെയ്തിറങ്ങിയേനെ......
നിന്റെ നിശ്വാസ വേഗങ്ങളിൽ
ഞാനൊരഗ്നിയായ്
പടന്നിറങ്ങിയേനെ.......