കണ്ണിൽ പടർന്ന തീനാളങ്ങളിൽ നിന്നാണ്
മഹാഭാരത യുദ്ധമുണ്ടായത്
കണ്ണിൽ പടർന്ന പ്രണയാഗ്നിയിൽ നിന്നാണ്

ലങ്കയുടെ പതനമുണ്ടായത്
വാക്കുകളാൽ പടർന്ന സംശയം
കണ്ണിൽ പടർന്നപ്പോളാണ്
ഭൂമിതൻ കരങ്ങൾ നീണ്ടത്
കണ്ണുകളിൽ നിന്നും കണ്ണുകളിലേക്കുപടരുന്ന
അഗ്നിയിൽ നിന്നും
മനസ്സിനും, ശരീരത്തിനും പൊള്ളലേറ്റ മനുഷ്യർ
പുതിയ ഇതിഹാസങ്ങൾ രചിക്കുന്നു
ആ ഇതിഹാസങ്ങളിൽ നിന്നും
ഉയിർകൊണ്ട കബന്ധങ്ങൾ
ഇന്നിനെ നോക്കി പല്ലിളിക്കുന്നു
കണ്ണില്‍ പടര്‍ന്ന തീനാളങ്ങളില്‍ നിന്നും
ഉയിര്‍കൊണ്ട സ്വപ്ങ്ങളും,
പ്രതീക്ഷകളുമായി
മനസ്സിനും, ശരീരത്തിനും പൊള്ളലേറ്റ മനുഷ്യർ
കാത്തുനില്‍ക്കുന്നു
വീണ്ടുമൊരു പുലരിക്കായി